Դասարանով տիկին Սոֆյայի հետ այցելեցինք Գյումրի։Դա երկար սպասված այց էր։ Գյումրին մշակութային քաղաք է, որտեղ պահպանվել են հայկական հին մշակույթի շատ տարրեր։Իմ մեջ ամենաշատը տպավորվել է Ձիթողցոնց տուն-թանգարանը, որտեղ պատկերացում կազմեցինք տարբեր արհեստների մասին։Այս թանգարանում պահվում են հայ դարբինների, պղնձագործների, ժամագործների, անվանագործների պատրաստած իրեր և գործիքներ։Յուրաքանչյուր արհեստ Գյումրիում ունեցել է իր խորհրդանիշը։Թանգարանն ասես Գյումրու այցեքարտը լինի։Իր հին շնչով ու գեղեցկությամբ այն գրավում է հազարավորների ուշադրությունը։Թանգարանում ներկայացված է նաև հին Ալեքսանդրապոլի քարտեզը և քաղաքի մանրակերտը` 5 եկեղեցիները, հարթ կտուրներով տները և շուկան։Թանգարանում տեսանք Ալեքսանդրապոլում գործված գորգեր, գորգերի գծագրեր ու նախշեր, մի սենյակում տեսանք պատուհանի մոտ կանգնած աղջիկ, ով մինչև հիմա էլ դուրս է նայում։Ցուցասրահներում կային կնոջ տարազներ՝ իրենց արդուզարդով, մանկական օրորոց, թոնիր, դաշնամուր, սեղանին դրված լամպ, շախմատի տախտակ, գրամոֆոն։
Այնուհետև Անիի ուղեկցությամբ քայլեցինք փողոցներով։
Ես իսկապես զգացի, որ Գյումրու բնակիչները հյուրընկալ և հումորասեր մարդիկ են։